Sigurður málari
Vakningarstarf hans, því svo má sannarlega nefna það, var snúið saman úr mörgum þáttum, sem lágu þó allir í eina átt, hvort sem hann barðist fyrir endurnýjun kvenbúningsins, teiknaði fyrir silfursmíð og útsaum, barðist fyrir því að koma upp minnisvarða um Ingólf Arnarson á Arnarhóli, rannsakaði sögustaði á Þingvöllum eða safnaði fornminjum. Í öllu þessu og ótal fleiru var Sigurður málari brautryðjandi, kallaður maður, þótt það mesta sem eftir hann stendur sé forgangan um stofnun þjóðminjasafns á Íslandi.
Ár eftir ár sat hann á dómkirkjuloftinu, raðaði gripum, skráði og skrifaði, og þótt hann kviði því hvert haust 'að sitja veturinn í kulda og, ef til vill, ljóslaus,' dró aldrei niður í þeim lampa er lýsti aftur í söguöldina og bar skin fram í ókominn tíma.
(Björn Th. Björnsson 1964, 44)
| ← Aðalstræti 18 |